Պարան

Սենյակում պարան կապեք ու դրա վրա տարբեր նվերներ ամրացրեք,

օրինակ, կոնֆետ, փուչիկ և այլն:

Երեխաներից յուրաքանչյուրը պետք է աչքերը փակած մոտենա պարանին ու իր համար նվեր ընտրի` այն ընդհանուր պարանից մկրատով կտրելով:

Եվ այսպես մինչը նվերներն ավարտվեն:

Բնորոշիր Նոր Տարին

Երեխաները հերթով թվարկում են, թե ինչ է բնորոշ Նոր տարվան,

օրինակ, Ձմեռ Պապ, Ձյունանուշ, Տոնածառ, ձյուն, նվերներ,

խաղալիքներ, քաղցրեղեն և այլն:

Այն երեխան, ով այլևս չի կարողանա տոնին բնորոշ երևույթ հիշել,

խաղից դուրս է մնում: Հաղթում է նա, ով ամենաշատն է թվարկում ու մնում խաղի մեջ մինչև վերջ:

Խոսքի զարգացման համար լավ միջոց է տարբեր ձայներով երգն ու զրույցը: Երեխայի հետ երգեք շատ հասարակ մի երգ:

Սկզբում երգեք սովորական ձայնով, հետո փոխեք ձայնը, աշխատեք, որ փոքրիկն էլ ցանկանա կրկնել:

Փորձեք տարբեր ձայներ.

-բարձր

-ցածր

-կամաց

-խլացրած (քթանցքերը սեղմել երգի ժամանակ):

Այս տիպի խաղը կօգնի երեխային կողմնորոշվել խոսքի դրսևորման տարբեր ձևերում:

Ասացեք երեխային, որ դուք փոքրիկ մկնիկ եք, իսկ նա՝ կատու, որը որսում է մկներին:

Բացատրեք երեխային, որ մկնիկները "պի-պի” են ասում, իսկ կատուները՝ "մյաու”:

Կռացեք հատակին ու ասացեք. "Չե՛ս բռնի, չե՛ս բռնի”:

Եվ արագորեն թաքնվեք սեղանի տակ, պահարանի ետևում, տարբեր սենյակներում:

Երբ երեխան սկսի խաղալ և հասկանա խաղի իմաստը, փոխեք դերերը:

Այս խաղը զարգացնում է հիմնական մկանները: